Theme: Blue and Green Theme: Red Theme: Green
Background: 1 Background: 2 Background: 3 

Contact Us :

DEWAN BANDARAYA KUCHING UTARA
Bukit Siol, Jalan Semariang Petra Jaya
93050 Kuching Sarawak

dbkuchannel
dbkufb
DBKU Instagram
online visitor Online Visitors 11
total visitor Total Visitors 7,968,406
Kemeratka pekara pengelikun ba genturung pendiau
Posted on : 22 Mar 2019  Source of News: Utusan Borneo
 
Pengelikun pekara ti patut pemadu dikemeratka dalam pengidup kelebih agi ba genturung pendiau.

Menteri Dagang Temuai, Seni, Main Asal, Nembiak enggau Lumba enggau Main, Datuk Abdul Karim Rahman Hamzah madah, pengelikun sereta pengelantang pendiau ba genturung pendiau ulih dijaga enti semua bejalaika tanggungpengawa.

Nambahka nya, iya madahka penanggul rama baka pengawa gian dadah ulih diputarka enti komuniti dalam gentu- rung pendiau enda semina bepanggai opis tauka ejensi ti bekaul.

“Dulu suba ba genturung pendiau nadai bepagar laban kes baka enchuri sereta kes dadah nadai nyadi, tang diatu udah berubah ketegal ulah kitai empu.

“Kitai ulih ngasaika pengelantang pendiau sereta pengelikun genturung pendiau baka dulu suba, tang begunaka saup semua.

“Laban deka nyaga pengelikun tauka pengelantang pendiau ba genturung pendiau baka nyeliahka penyalah dadah nyadi, nya tanggungpengawa kitai semua anang semina ngarapka ejensi ti bekaul aja”, ku iya.

Abdul Karim mansutka pekara nya lebuh ti bejaku seraya nutup Wokayop Kejiranan Selamat 2019, ti diatur Dewan Bandaraya Kuching Utara ( DBKU) ba sebuah hotel situ, kemari.

Berebak enggau tu iya mega ngarapka mensia mayuh ti deka meli rumah patut beratka pengelikun ba semua pekara.

“Enda ngira sapa ti deka be- beli rumah ba palan baru nama ke patut pemadu dikemerat iya nya pengelikun dalam semua pekara.

“Kitai ngarapka DBKU Kejiranan Mesra (KJM) enggau opis ti bekaul ulih beratika pekara pengelikun enggau dalam agi, “ku iya ti dulu ar nya mendingka enam asil woksyop ke dipejuraika KJM.

Sama bisi datai ba pengeram nya kemari Kaban Kunsi Nengeri ( ADUN) Tupong FazRudin Abdul Rahman Direktor DBKU Dr. Morshid Ahmad enggau ke bukai.